Skip to main content

த நா தல வரலாறு - கம்பன் இறந்த ஊர்

மதுரையை அடுத்த சிவகங்கை மாவட்டத்தில் உள்ள சிற்றூரின் பெயர் நாடரசன்கோட்டை.
நாடரசன்கோட்டை என்கிற ஊரில் தான் கம்பர் தன் கடைசி நாட்களை கழித்தார்.

சோழ மன்னனிடம் பிணக்கம் ஏற்பட்ட பின்னும் தன் மகனின் மரணத்திற்கு பின்னும் கம்பன் தன் உறவினர்கள் வாழும் ஊரான நாட்டரசன்கோட்டைக்கு வந்தாராம்.

நாடரசன்கோட்டையின் மக்களின் தமிழ் அறிவு கண்டு - தங்கினால் இங்குதான் தங்குவேன் என்று அவர் முடிவு எடுத்ததாகவும் கதை உண்டு.நாட்டரசன்கோட்டை போன்ற இடங்களில் கம்பன் காலத்தில் சோறு விற்கும் பழக்கம் இருந்ததா என்று தெரியவில்லை. ஆனால் கம்பன் அறிந்தவரையில் சில இடங்களில் அது இருந்திருக்கலாம்.

தன்மான தமிழனாய் விளங்கிய கம்பன் - யாரிடமும் இலவசமாய் உணவு வாங்கி உன்ன மறுத்து நாட்டரசன் கோட்டை வந்த தருணத்தில் அங்கு விளையாடி கொண்டிருந்த சிறுவர்களிடம் - "எங்கு சோறு விக்கும் ?" -என்று கேட்டாராம்.
"தொண்டயில்தான் விக்கும்" - என்றான் ஒரு சிறுவன் அதற்கு. அன்றில் இருந்து கம்பன் அங்கேயே தங்கி விட்டானாம்.

கம்பனின் உறவினர்கள் நாட்டரசன் கோட்டை வாழும் வணிகர்களிடம் வேலை செய்திருக்க கூடும் எனவே அங்கு அவர் தங்கி வாழ முடிவு செய்திருக்கலாம் என்று செய்திகள் உண்டு.

இன்று கம்பன் நினைவு இடம் கம்பன் கோவில் என்று அழைக்கப்பட்டு பாதுகாக்க படுகிறது. கம்பன் விழாவின் நினைவு நாள் அங்குதான் நடக்கும்.

முடிந்தால் இந்த தமிழ் திருதளதிருக்கு சென்று வாருங்கள். கம்பன் கோவிலுக்கு சென்று வாருங்கள். இன்றும் கம்பன் நினைவு மண்ணை பாலில் கலந்து குடித்தால் அறிவு பெருகும் என்று நம்பிக்கை உள்ளது.

பயணம் செய்ய சிறந்த நாட்கள்: கம்பன் விழா நடைபெறும் நாட்கள்.

கம்பன் புகழ் வாழ்க.

தொடரும்.

Comments

Popular posts from this blog

மதராசபட்டினமும் கூவமும் நீங்களும்

அது நீண்ட வருடங்களுக்கு முன்னாள் பார்த்த கலைவாணரின் படம். "என்ன அப்படி பாக்குற அது வைகை ... தண்ணி வெள்ளமா ஓடுத்துலா ?" - கலைவாணர் ஒரு காட்சியில் சொல்லும்  போது  பலரும் சிரித்து விட்டோம். இந்த படம் பார்க்கையில் மதுரையில் இருந்தேன். நாங்கள் பார்த்த வரை வைகையில் தண்ணீர் அதிகம் ஓடவில்லை. கலைவாணரின் காலத்திலும்தான். ஆனால் கலைவாணர் ஓடும் என்று தன நம்பிக்கையை விதைத்து இருந்தார். இன்னும் அந்த நம்பிக்கை விதை மௌனமாய் ஏதோ திரை சுருளுக்குள் சுருண்டு கிடக்கிறது. மதராசபட்டினம் படம் பார்த்தவர்கள் பலரும் சொல்லும் விடயம் - கூவத்தில் படகு விட்டதை. இப்பக்கூட விடலாம்தான். நீங்கள் போகமாட்டீங்க அதான் விடல. அந்த காலத்து சென்னையை / மதராசை காட்டி இருப்பதாக சொல்லப்படுகிறது. அப்ப சென்னை எவ்வளவு அழகா இருக்கு என்கிறார்கள் படம் பார்த்துவிட்டு வருபவர்கள். என் நண்பர் சொல்வார் குழந்தையில எல்லாம் அழகாதான் இருக்கும் வயசாயடுச்சுனா .... போய்டும்பா. சென்னைக்கும் இதுதான் நடந்துவிட்டது என்று யாரும் சொல்லாதவரையில் நலம். விடுதலை பெற்ற தருணத்தில் சென்னை நல்லாத்தான் இருந்தது என்கிற எண்ணம் நிறைய பேருக்கு வருவத

உ த ப : தோற்றுப்போன படுகொலை முயற்சி

இந்த கட்டுரை தொடரின் நோக்கம் தோற்று போன ஒரு படுகொலை முயற்சியை எழுதுவது இல்லை. அனாலும் ஒரு முறை ஒலி ஒளி வடிவத்தில்  கண்ட இந்த செய்த்திப்பதிவை  நான் பதிவிட நினைக்கிறேன். இதன் ஆதாரங்கள் உங்களுக்கு கிட்டலாம்.  என்னிடம் சரியான ஆதாரம் என்று கூறும் அளவில் எதுவும் கிட்டவில்லை. எனவே புறம்தள்ள தங்களுக்கு முழு உரிமை உண்டு.படிப்பவர்கள் இதன் நம்பத்தன்மையை ஆராய நினைப்பதன் மூலம் காணமல்  போன ஒரு வரலாற்று நிகழ்வு நமக்கு கிட்டலாம் என்கிற ஆவலின் அடிப்படையில் எழுத்தப்படும் பதிவே இது.   உலகின் உயர்வான மனிதர்களுள் அவருக்கு ஒரு பெயர் உண்டு.உலகமே வியந்த மனிதர் அவர்.  இன்றைக்கு நேற்றைக்கு அல்ல என்றைக்கும் அவருக்கு புகழ் உண்டு.    மானுட வரலாற்றில் பூத்த பெருந்தலைவன் என்கிற கருத்து அவரது நாட்டை சேர்ந்தவர்களைப்போலவே இல்லாவிட்டால் கொஞ்சம் அதிகமாகவே மற்ற நாடுகளில் உண்டு.   காலை கதிரவன் வானில் பூக்க அந்த நகரம் சோம்பல் முறித்தது. பறவைகள் இரைதேடி பறக்க செவிக்கு உணவு தேடி ஒரு கூட்டம் வேற்று நகரங்களில் இருந்தும் வந்திருந்தது.   உலகத்தின் ஆட்சி மனிதர்களை கேள்வி கேட்கும் ஆற்றல் படைத்தவர் என்று நம்பப்பட்ட அந்த

தமிழும் நாமும்

முழுமையாக தமிழில் பேசுவது என்பது இயலாத காரியம் என்பது போல ஒரு உலகை நிர்மாணிக்கும்  வலையில் நாம் நிறையவே சிக்கிக்கொண்டு விட்டோம். நான் சில தருணங்களை நினைக்கிறேன். என் வாழ்வில் முதல் முறையாக என்னை கவர்ந்த அழகான சொற்றொடர் ஒரு கிராமத்து சொற்றடர்தான். "தம்பி, அந்த காத்தாடியை சத்த அமத்துங்க" இதற்கு முன்னாள் அது "தம்பி, அந்த ஃபேன ஆப் பாண்ணுங்க". மிளகாய் என்கிற வார்த்தையை பொட்டலம் மடித்து கொடுக்கும் நம் நண்பர்கள் தான் கண்டுபிடித்தனர். தேங்காய் பூதுண்டு என்பது மிக சாதரணமாய் புழக்கத்தில் உண்டு. மணி அடிச்சு பேசினேன் - ஒரு ஈழ தமிழர் சொன்ன வாசகம். தொலை பேசியில் அழைத்தேன் என்பதின் சாதாரண வழக்கு. படித்த பலரிடம் ஆங்கில பயன்பாடு அதிகரித்து உள்ளது. ஆங்கிலம் நம் தேவை. ஆனால் தமிழில் பேசும்போது ஆங்கிலத்தை கலப்பதை நிறுத்த முயல்வோம். கடினம்தான் ஆரம்பத்தில். முயல்வோம். முடியும். தமிழ் இன்னும் வாழும். தமிழால் முடியும் என்கிற எண்ணம் வேண்டும்.